Galtzarabordako Kiroldegiko taberna-kafetegia lehiaketara atera da
Errenteriako Udalak jakinarazi du lehiaketa publikora atera dela Galtzarabordako Udal Kiroldegiko kafetegiaren ustiapena.
Baldintzak eta dokumentazioa udalaren webguneko (www.errenteria.eus) “kontratatzailearen profila” n argitaratuta daude.
Ordaindu beharreko urteko kanona 10.800 eurokoa da (BEZ barne), tabernaren garbiketa- eta elektrizitate-gastuak gehituta. Instalazioa ekipatuta dago, eta, beraz, ez da beharrezkoa hasierako inbertsiorik egitea.
Eskaintzak aurkezteko epea abuztuaren 4an amaituko da.