Garapenerako lankidetzako dirulaguntza deialdian aurkeztu eta diruz laguntzen diren GKGEeen konpromisoa da Errenteria Munduan ekimenean parte hartzea. Izan ere, garrantzitsua iruditzen zaigu munduan zehar eragileek Udalaren ekarpenari esker aurrera eramaten dituzten proiektuen inguruan herritarrak informatzea. Hori dela-eta, Giza Eskubideen Nazioarteko egunaren harira egiten den egitarauaren barnean, abenduaren 10aren inguruan, modu desberdinetara baina, betiere, GKGEak eta herritarrak hurbiltzeko ekimenen bat egiten da.