Udal kirol instalazioak doan erabiltzea

Jarduera Fisiko eta Kirolerako Plan Integralaren helburuetako bat da pertsonak mobilizatzea bizimodu fisikoki aktibo eta
osasungarria garatzearen alde. Helburu horri jarraiki, Errenteriako Udalak pertsonen eskura jartzen du udal instalazio
batzuk doan erabiltzeko aukera izatea.

  • Beraungo Estadioa

Erabili daiteke lan-egunetan, astelehenetik ostiralera, 9:30etik 16:30 arte, ordu horretatik aurrera eskola kiroleko eta kirol
federatuko taldeentzat erreserbatuta dago instalazioa.

Futbol zelaia zein atletismo pistak erabili ahal izango dira baina ez da sarbiderik emango ez aldageletara ez argi
sistemara.

Estadiora kantinaren eremutik sartuko da eta derrigorrezkoa izango da instalazioa erabiltzeko arauak betetzea.

  • “Agustina Otaola, Raketista Profesionala” Fanderiako Udal Pilotalekua

Erabili daiteke lan-egun guztietan astelehenetik ostiralera 9:30etik 16:30era, larunbatetan kantxa erabiltzeko
disponibilitatearen arabera, eta igande eta jai-egunetan 10:30etik 13:30era.

Pista erabiltzeko denbora frakzioa ordubetekoa izango da. Pilotan jokatzeko erabili ahal izango da (beste kiroletarako ez:
futbola,…) eta ez da aldagelarik erabiltzerik izango.

Espazioa doan lagako da, baldin eta ez bada frontoiko argia erabiltzen. Argiztatzeko sistema aktibatu nahi baldin bada 5
euro ordaindu behar dira giltza jasotzeko unean.

Instalakuntzako giltza erabilera egunean jaso beharko da, gehienez jokatzen hasi baino ordu erdi lehenago, Fanderiako
Udal Igerilekuetako harreran.

Pista erabiliko duen pertsona arduradunaren NAN agiria utziko da, eta alokairua amaitu eta giltza entregatzean itzuli
egingo zaio. Erabiltzen ari den bitartean instalazioan hautsi edo hondatu litekeen gauza ororen ardura giltza hartzen duen
pertsonak izango du, baita garbitasun falta, animaliak ez sartzea, giltzaren erabilera okerra eta hirugarren batzuei sartzen
uztearena ere. Behin jarduera amaituta, giltza hartzen duen pertsonak instalazioa behar bezala itxi eta barruan ez dela
inor geratzen egiaztatu beharko du.

  • Beraungo Erabilera Anitzetarako Udal Kirol Pista

Erabil daiteke lan egunetan, astelehenetik ostiralera (jai egunak ez direnak), 9:30etik 13:30era, dohainik erabiltzeko
aukera. Pista erabiltzeko gutxieneko denbora frakzioa ordubetekoa izango da. Pista zein frontoiaren gunea erabili ahal
izango dira baina ez da sarbiderik emango aldageletara.

Espazioaren lagapena doakoa izango da, betiere ez badira frontoiko argiak erabiltzen. Argiak pizteko sistema aktibatu
nahi izanez gero 5 euro ordaindu behar dira. Argiak pizteko sistema aktibatzen duten fitxak frontoian bertan eros daitezke,
arratsaldez, 16:00etatik aurrera.

Erreserba egin aurretik espazioa erabiltzeko aukera dagoela egiaztatu beharko da, 943 449 691 telefono zenbakira
deituta, 8:30etik 14:00etara. Erreserbak, gehienez, pista erabili nahi den eguna baino 5 egun lehenago egin ahal izango
dira.

Instalazioko giltza okupazioaren egunean bertan jasoko da, gehienez okupazioa hasi baino ordu erdi lehenago,

Errenteriako Udaleko Kiroletako Azpisailak Galtzarabordako Udal Kiroldegian dituen bulegoetan.